சன் தொலைக்காட்சியில் பரபரப்பாக போய்க் கொண்டிருக்கும் தொடர்களில் முக்கியமானவை "திருமதி செல்வம்' மற்றும் "செல்லமே".
இவ்விரு தொடர்களிலும் நடித்து வருபவர் காவ்யா. மாறுபட்ட இரு வேறு பாத்திரங்களில் நடித்து வரும் காவ்யாவின் நடிப்பு ரசிகர்களின் பேராதரவைப் பெற்றுள்ளது. அடிப்படையில் காவ்யா ஒரு பின்னணிப் பாடகியும் கூட. தொலைக்காட்சிகளில் காம்பியரிங் செய்து வந்தவர். ஜெயா தொலைக்காட்சியில் ஒளிபரப்பான "ஸ்டார்ஸ் கப்புள்' என்ற நிகழ்ச்சியை தொகுத்து வழங்கியபோது அப்படியே தொடர்களில் நடிக்கவும் ஆரம்பித்துவிட்டார்.
சன் டிவியில் இரவுவேளையில் பரபரப்பாக ஓடிக்கொண்டிருக்கும் இரண்டு தொடர்களிலும் பெரும்பாலான ரசிகர்களின் பரிதாபத்தைச் சம்பாதித்து வருபவர் காவ்யா. "திருமதி செல்வ'த்தில் ப்ரியாவாகவும், "செல்லமே' தொடரில் அஞ்சலியாகவும் வந்து எல்லோர் மனதிலும் இடம் பிடித்துவரும் காவ்யா பி.பி.ஏ. பட்டதாரி என்பது குறிப்பிடத்தக்கது.
பாரதி தமிழ்ச் சங்கம் ஏற்பாடு செய்யவிருக்கும் பொங்கல் கலைவிழா நிகழ்ச்சியில் காவ்யா பங்குபெறவிருக்கிறார். நிகழ்ச்சிக்கான ஆயத்த வேலைகள் மும்முரமாக நடைபெற்று வருகிறது.நிகழ்ச்சி குறித்து மேலும் விவரங்கள் விரைவில் வெளியிடப்படும்.
No comments:
Post a Comment