பாரதி தமிழ்ச் சங்கம் ஆண்டுதோறும் கொண்டாடும், 15-வது ஆண்டு பொங்கல் 2012 கலைவிழா நிகழ்ச்சி இம்முறை வெகு விமரிசையாக கொண்டாடப்படும் என சங்கத்தின் நிர்வாகக் குழுவினர் அறிவித்துள்ளனர். ஒரு நாள் முழுவதும் நடைபெறும் இந்நிகழ்ச்சிக்கான ஏற்பாடுகள் களைக்கட்ட துவங்கி விட்டன.
எதிர்வரும் 13 ஜனவரி 2012 அன்று பஹ்ரைன் இந்தியன் கிளப்பில் காலை 10 மணி முதல் இரவு 11 மணிவரை தொடர்ந்து நடைபெறும்.
பொங்கல் சமையல் போட்டி, கோலப் போட்டி, சிறுவர்கள் மற்றும் பெரியவர்களுக்கான வீர விளையாட்டு போட்டிகள், பாரம்பரிய நடனம் போன்ற நிகழ்ச்சிகள் காலையில் அரங்கேறும்.
பிற்பகல் மணிக்கு தலைவாழை இலையோடு 16-வகை அறுசுவை விருந்து உபசரிப்பு நடைபெறும். மாலையில் ஆடல் பாடலுடன் கூடிய மாபெரும் திரையிசை நிகழ்ச்சி நடைபெறும். நிகழ்ச்சியில் சின்னத்திரை, வண்ணத்திரை தாரகைகள் தமிழ் நெஞ்சங்களை மகிழ்விப்பார்கள்.
நடிகை கன்னல்
தாய் காப்பியம் பட நிறுவனம் சார்பில் தமிழரசன் தயாரித்து, கதை, திரைக்கதை, வசனம் எழுதி இயக்கும் "மாந்தன்" படத்தின் கதாநாயகி கன்னல் பாரதி தமிழ்ச் சங்கம் நடத்தும் பொங்கல் 2012 நிகழ்ச்சியில் பங்கு கொள்கிறார்.
பஹ்ரைனில் படித்து வளர்ந்த இவர் நம் சங்க நிகழ்ச்சி பலவற்றில் பங்கு கொண்டு நடனமாடி ரசிகர்களைக் கவர்ந்தவர் என்பது இங்கு குறிப்பிடத்தக்கது.
விரைவில் திரைக்கு வெளி வரவிருக்கும் இப்படத்தில் "வள்ளுவன் வாசுகி", "சிரித்தால் ரசிப்பேன் படங்களைத் தொடர்ந்து மகாராஜா படத்தில் நடிக்கும் சத்யா, கதாநாயகனாக "மாந்தன்" படத்தில் நடிக்கிறார்.
நடிகை காவ்யா
இவர் சின்னத்திரையை கலக்கி வரும் நடிகை மட்டுமின்றி திறமையான பாடகியும் கூட. "திருமதி செல்வம்", "செல்லமே" போன்ற புகழ் பெற்ற சன் டிவி தொடரிலும், ஜெயா டிவியில் வரும் "மஹான்" தொடரிலும் நடித்து தன் முத்திரையை பதித்தவர். ஜெயா டிவியில் இவர் இடம் பெறும் 'விளையாட்டு போட்டிகள்' மற்றும் 'நட்சத்திரத்துடன் ஒரு நாள்' நிகழ்ச்சிகள் இவருக்கு விளம்பரம் தேடித் தந்தது.
பி.பி.ஏ. பட்டதாரியான இவர், தனது 13-வது வயதிலிருந்து மேடையில் பாடத் துவங்கி 5000-க்கும் மேற்பட்ட மேடை நிகழ்ச்சியில் பங்கு கொண்டுள்ளார். இந்தியா மற்றும் பற்பல மேலை நாடுகளில் நடந்த இசை நிகழ்ச்சி பங்கு கொண்டு ரசிகர்களைக் கவர்ந்தவர்.
தலைச் சிறந்த முன்னணி இசைக் கலைஞர்கள் எஸ்.பி.பாலசுப்பிரமணியம், ஹரிஹரண், சுஜாதா, கார்த்திக், ஸ்ரீனிவாஸ், மனோ, விஜய் யேசுதாஸ், ஹரிசரண், ரஞ்சித் போன்றவர்களுடன் இணைந்து மேடை நிகழ்ச்சிகளில் பங்கு பெற்றவர்.
இசையமைபாளர்கள் இளையராஜா, ஹாரீஸ் ஜெயராஜ், இமான். விஜய் ஆண்டனி, தேவி ஸ்ரீபிரசாத், யுவன் சங்கர் ராஜா, மணி ஷர்மா, கார்த்திக் ராஜா, பரத்வாஜ், தீனா, ஸ்ரீகாந்த் தேவா, சிற்பி போன்றவர்களுடன் இணைந்து பணியாற்றியவர்.
No comments:
Post a Comment