சன் தொலைக்காட்சியில் பரப்பாக போய்க் கொண்டிருக்கும் தொடர்களில் முக்கியமானவை "திருமதி செல்வம்' மற்றும் "செல்லமே'. இவ்விரு தொடர்களிலும் நடித்து வருபவர் காவ்யா. மாறுபட்ட இரு வேறு பாத்திரங்களில் நடித்து வரும் காவ்யாவின் நடிப்பு ரசிகர்களின் பேராதரவைப் பெற்றுள்ளது. அடிப்படையில் காவ்யா ஒரு பின்னணிப் பாடகியும் கூட. தொலைக்காட்சிகளில் காம்பியரிங் செய்து வந்தவர், ஜெயா தொலைக்காட்சியில் ஒளிபரப்பான "ஸ்டார்ஸ் கப்புள்' என்ற நிகழ்ச்சியை தொகுத்து வழங்கியபோது அப்படியே தொடர்களில் நடிக்கவும் ஆரம்பித்துவிட்டார்.
தற்போது அவருக்கு சின்னத்திரையில் வெற்றி பெற்றுள்ளபடியே வியாபாரம் செய்தும் வெற்றி பெற வேண்டும் என்ற ஆசையிருக்கிறதாம். இளங்கலை பட்டப்படிப்பில் பி.பி.ஏ. முடித்திருக்கும் இவரது இனிய குரலை பாரதி தமிழ்ச் சங்கம் பஹ்ரைன் இந்தியன் கிளப்பில் 13.01.2012 அன்று நடத்தவிருக்கும் பொங்கல் கலைவிழா நிகழ்ச்சியின்போது கேட்டு ரசிக்கலாம்.
No comments:
Post a Comment